Экологиялық әңгіме «Қысатын құстар»

«Жалын» тобының балаларымен қыстайтын құстар туралы білімдерін тереңдету, бекіту, құстарға қамқорлық жасауға үйрету мақсатында «Қыстайтын құстар» атты танымдық экологиялық әңгіме өткізілді.

Әңгіме «Құстар қыста қалай өмір сүреді» деректі фильмінің көрсетілімімен ұласты. Әңгімелесу барысында балалар жұмбақтарды тауып, құстар туралы мақал-мәтелдермен жұмыс жасады, суреттер салды, қыстап қалатын құстар туралы әдебиеттермен танысты.

Әңгімелесу соңында оқушылар қауырсынды достарға бұрын ілулі тұрған жемшөптерді нәзіктікпен толықтырды.